ايمان عبدالله والى/دار الكتاب للادب العربي والثقافة
.....اه يا بلد ....
يا بطنى ليه بنشكي الجوع
ما ياما شربنا السم منقوع
لا يوم شكيتى ولا حكيتى
طول عمرى تحت السيطرة
بخضوع
إن يوم قابلت كامين مافى
رجوع
رخصك تكون موقوفه ومافى
إيصال مدفوع
وان يوم ملامحك اتغيرت
بغيظ ودموع
يبقي عليك العوض وتتهان
وسط الجموع
ولو يوم اتخنقت وروحت
الكورنيش
حاجة ساقعه وما تقولش
ممعاييش
انت هتشرب اجباري وتدفع
البقشيش
ولو ماعجبكش هتلبس قضية
حشيش
اه يابلد حلمت فيكي بالامان
حلمت فيكى بالشفاعة وصوت الاذان
إنى أعبد ربنا وارتل القران
لكن السبكى جانا ومحمد رمضان
ضيع الاخلاق ونشر الإجرام
والكل بيقلده بالسنجة والبرشام
ضيعتوا الرجوله وبقت حطام
ماتت الرجولة وصارت كلام
لما شاب يقف يقتل فتاه
والكل بيتفرج بلا نجاة
فين النخوة فين الرجولة
عادى ماانتوا ضيعتوا الصلاة
ولا شاب ينزل بوست انتحار
يرد عليه ظريف بلا مرار
توكل على الله فى الانتظار
بدل ماقوله خاف من القهار
يا بلد حلمت فيك ببيت
صغير
وشجرة مضلله وحبيبتى
جنبي تنور
وارسم حمامة وشال والتوب
يتغير
ويكونلى عيال والكل منا
يتحير
فوقي بقي والحقي شبابك
بيتدمر
الاهل انشغلوا بالاكل والإيجار
والكهربا
وسابوا عيالهم للنت واللبس
يتشمر
دمرتوا جيل الغد وللرذيلة
اتجرجر
الشاعرة
ايمان عبدالله والى
تعليقات
إرسال تعليق