بدوي محمد/دار الكتاب للادب العربي والثقافة

 سامحوني لو غابت شمسي

و روحي راحت للي لخالقها 

ما هي دنيا لينا ما دايماشي

غير للحي الدايم و مالكها

دا احنا مهما نعمر فيها

هايجي علينا يوم ونفارقها

سامحوني لو كنت ف يوم قاسي

وجرحت حد بكلامي

مقامكم و الله على راسي

لأخر لحظة في ايامي

دنيا عشت فيها مآسي

و ياما بكت لي عينية

كتير جرحت لي إحساسي

على ايد قرايبي و ناسي

رميت دا كله ورايا

و قطعت دفاتري و كراسي

دنيا ما تستاهل اي دموع

و لا تحسبلها  مكسب و خسارة

مش يفرق فيها المجموع

دا حلاوتها في الأصل مرارة

فسامحوني و اقرولي الفاتحة

و ادعولي كمان بالغفران

و كفة ميزاني تكون راجحة

 و لا تحرموني أجر القرآن

و ربي يكون راضي علية

رحيم بضعفي مش غضبان

سامحوني لو غابت شمسي

و روحي راحت  لخالقها

دنيا مانيش فيها عشمان

و هين علي روحي فراقها

بدوي محمد

 الخميس ٣٠ يونية ٢٠٢٢ 

١ من ذي الحجة١٤٤٣