ايمن شتا /دار الكتاب للادب العربي والثقافة

 #محتاجلك

#كلمات_ايمن_شتا 

برغم اللي انكسر فيا..

 لكني برضو محتاجلك..

واروح للبحر واندهلك..

وبلعن غربة في بلادي..

وقلبي بعيد ومشتقالك..

 وبينا بحر مليان موج..

وشط بعيد عن عيني..

واناديلك بعلو الصوت..

الاقى صدها يبكني..

 ولاقى نفسي  محتاجلك..

برغم اللي انكسر فيا..

لكني برضو محتاجلك..

... 

محتاجلك ومش بلقاك..

 وبشتقلك ومش عايزك..

يخدني حنين ويسرقني..

 وقلبي بعيد مفارقني..

وصدقني.. بتوحشني..

اروح للبحر واندهلك..

يرد الموج يبكيني..

ولاقى نفسي محتاجلك..

برغم اللي انكسر فيا..

لكني برضو محتاجلك..

...

يا موج البحر طمني

حبيبي فين بعيد عني

حنيني ليه مدوبني

ودمعة سكنة في عيوني

... 

يا كل حاجة جوايا

بتصرخ فيا مليون اه

يا شوق موتني ماكفاية

انا روحي ما فيها حياه

... 

ياشط بعيد عن عيني

يا بحر بنا مليان موج

بناديلك بعلو الصوت

الاقي صدها يبكني

.... 

وبلعن غربة في بلادي

والاقي نفسي محتاجلك

برغم اللي انكسر فيا

لكني برضو محتاجلك

....

ايمن شتا