ايمان عبد الله والي/دار الكتاب للادب العربي والثقافة
وجع القلوب
ياواخد قلبي ومبحر ليه
عديت
على قلبي وفتحت بابه
وقولتله حبيت
دخلتنى فى بحر الغرام
ومنه مانجيت
لا منك روتنى ولا سبتنى
مشيت
طول عمري قافله بابي
وللحب صديت
ولما قلبي انفتح على قبلى
مريت
شوفت شهامة الجدع وزيه
ما رأيت
يعنى رجوله ومبدأ وذايع
عنه الصيت
ابن اصول متربي وليه
انا حنيت
كان عندى شباب كثير لكنى
ماهويت
خطف قلبي منى ولعمره
انا فديت
سحرنى بعذب الكلام وبعده
ما دريت
اشوفه بنسي الكلام ولاقينى طبيت
ولما اسمع كلامه عليه انا
سميت
ومن جمال صوته على النبي
صليت
حلمت يكونلى سكن ونعمر
البيت
نزرع أرضنا بالورد واروح
معاه الغيط
فرق مابينا القدر وبناره
انكويت
قالي هسافر اكون نفسي
وياريتنى مارضيت
وسنين الغربة طالت وليه
استنيت
وبعد سنه انقطعت عنى
اخباره
ورغم كثرة خطابي لكنى
عالعهد بقيت
وفجأة عرفت أنه جي
عالقطر جريت
لقيت فى ايده واحدة مدهونة بالزيت
احمر واخضر واصفر قومت
اتخضيت
سالنى ايه اخبارك عليه
مارديت
الصدمة كانت جامدة وفيه
ظنيت
قدمنى ليها وقال اختي
واللغز حليت
يبقي اتجوز وسابنى
وجايبها البيت
اللي بايدى بنيته وفرشته
سجاد وموكيت
ضيعت شبابي هدر وغلطتى
انى وفيت
ليه اتغدر بيه وفيه انا
اتغشيت
أنساه ياقلبي وارجع ماتقول
حنيت
احسن وربي خلاص منك
انا مليت
الشاعره
ايمان عبدالله والى
تعليقات
إرسال تعليق