د. على مسلم عجمي/دار الكتاب والياسمين للادب العربي والثقافة

 (( التواضع ))… للشاعر د. علي مسلم عجمي 

تواضعنا لما فيه الكفايه

و مكسر عصا صرنا بالنهايه

التواضع في إلو أصول و مبادي

و لمين و ليش ٱخرة الروايه

و لرب الكون بخشوع و عبادي

التواضع إنحناء و مناقبيه

متل نجمة عسطح المي بـادي

تواضَع بس هيي بالعليه

تواضع مع الناس و كون عادي

الناس بترفعك بالمعنويه

رفيع الشأن في كل البوادي

شخص تواضع و نفسو رضيه

عسطح الأرض إمشي و كون هادي

بتواضع في لها طلعة بهيه

و خللي يكون في عندك إرادي

يمكن تحتها الأرفع سـَمِيّه

لا تتفاخر و تزعم بالريادي

متل دخان طلعاتو رديه

السنابل إذا مليانة سعادة

بتحني الراس حنية ٱدميه

و إذا للمجد بدك إستفادة

تواضع من عبكرا و من عشيه

كل الناس بتحبك زيادة

التواضع إذا عندك أوليه

و من المتكبر و عندو تمادي

بغرورو و كبريا و بعنجهيه

تعلم كيف تتواضع و نادي

على رجال الفكر و الألمعيه

كل الناس و العالم إشادة

باللي تواضع و أدى التحيه

الشاعر… د.علي مسلم عجمي

لبنان